بسم الله الرحمن الرحيم وبه نستعين وعليه توكلنا

هذا احد اصدقائي حدث هذه القصه امامه ولم يسمعها ولم ينقلها وسانقلها لكم بلسانه من دون حذف ولا زياده.


حدثت هذة القصه من حوالى ثلاث سنوات كنت اعمل فى مستشفى خاص بالخبر فى الصيفية

كان عملى من الساعه 12 ليلا الى 8 صباحا وكان فى قسم الطوارئ

جانى (ع) سعودي الجنسية عمره 27 سنة يعمل فى شركة الزيت السعودية

وسالنى عن فحص مرض الايدز والعياذ بالله قلت له ايه موجود التحليل

سالنى قالى اذا اتضح انه الواحد مصاب تبلغون عنه قلت له لا بحكم عملي

قالى طيب ابى اسوى تحليل طلبت منه البطاقة اعطانى البطاقة ونزلت دمعته

قلت له اش فيك ياخى قالى القصه ..........................................

انه فى يوم فى احد المجمعات المعروفه فى الخبر كان يتشمى مع خويه

شاف وحده فى قمة الجمال وصغر سنها الغريب انه هى اللى جت واعطته الرقم

ودقت عليه قالت له ابيك فى سهرة بس معاى وحده ياريت تجيب خويك اللى كان معاك

قالها اوكيه الرجال ماكذب خبر راح اجر استراحه وطلعو الثنتين معهم وصار اللى صار

المهم فى اليوم الثاني دقت عليه علشان تقوله مبروك عليك انت وخويك مرض الايدز

ماقال لاخويه واستغرب ان خويه مادق عليه وانتظر اتصال ولا فى خبر ثلاث ايام

اتصل جواله مغلق اتصل فى العمل يقولون له ماجاء راح له البيت قالو له سافر فجاة

بدا الخوف فى اليوم الرابع دق عليه خويه من خارج المملكة يقوله جاك تلفون قاله ايه

يتفاجا بالرجال يبكى ويقوله روح افحص انا نفذت بجلدى من الفضايح لاهلي ؟

وطلب منه انه مايقول لاهله ولا لى شخص وين هو فيه الرجال قاله تم.

المهم الرجال يقولى يااخى انااعرف ان خوي ذا دايم راعي بلاوي يمكن جاة من اول؟

علشان كذه جيت لو ادرى انه الرجال مظبوط كان انتحرت ولاجيت هنا

قلت له وحد الله وانشاءالله مافيك اللى العافية اعطيته ورقة الكشف

دخل علىالدكتور وكان الدكتور طلب من الممرضه عمل تحليل لشخص مرقد من فترة فى المستشفى

هذا الكلام حوالى الساعه 4 صباح فطلب من الممرشة ايضاء عمل تحليل لنفس الشخص

عمل التحليل وهو فى الانتظار مع الدكتور سعودي الجنسية فقال له اهدي ياخى اذكر الله

ودخلت الممرضة فقالت لدكتور ان التحليل مافيه شى يذكر واعطته الورقه وكان التحليل دم للاثنين

فقاله شفت مافى شى الحمد لله

اللى صار انه الرجال حتى ماقال الحمد لله اش رد .....................

قال يارجال زين كنت خايف قاله خلاص تزوج يارجال واحمد ربك على العافية

رد عليه قاله يابوى بلا زواج بلا هم وليه اربط نفسى خلينى زى النحله من زهرة الى زهرة

قاله الدكتور الله المستعان

دخلت الممرضة وتعطيه الورقه الثانية وهى ساكتة الدكتور يقرا الورقة ويطالع فى الرجال

يقول ياسبحان الله الورقة اللى قريتها اول لمريض مرقد عندنا هنا وكان تحليله سليم

وانا ماقريت اسم المريض علشان كذه قلت لك انك سليم اما الان اختلف الوضع

الورقة هذى اللى قدامى لك وتوكد انك فعلا مصاب بالايدز ؟

اتصل بى الدكتور علشان ابلغ جيته والرجال يضحك وهو خايف

ويقول للدكتور انت تمزح معى ويضحك والدموع فى عينه بعد مابلغت الشرطة

ودخلنا غرفة الطبيب وشاف الشرطة وانا معهم والكلبشات فى يد العسكرى

سلم العسكرى وقاله اتفضل معنا قام من على الكرسي وسبحان الله اذن الفجر

وما ان وقف على طول على الارض طاح ميييت جثه هامدة

هذا ما اعرفه من القصه لانى سمعت وحضرت .

ومااقول اللى حسبي الله ونعم الوكيل

منقول